有蒸氣 海鮮石鍋專門店 (已結業)

同男友庆祝周年纪念，佢话要带我食我最钟意的蒸气海鲜，我期待咗呢餐好耐，果然佢都无令我失望。我一向都好钟意食龙虾，所以我地就拣咗呢个「龙虾海鲜餐」黎食。我做足功课先黎，知道呢间餐厅的黑松露蒸蛋好出够，所以点咗黎试下。个蛋真系蒸得好滑，蛋浆打得均匀，唔会食到蛋白系中间，加上小小的黑松露系蛋面上调香，松露香味四溢。头盘系我最喜爱的龙虾，就咁蒜蓉清蒸已经好鲜甜，虾肉结实有弹力。挑开里面都有惊喜，入面有点点虾膏令人唾涎欲滴。纽西兰蛏子同样系我最爱，好大一只蛏子，加咗小小蒜同埋粉丝，更加特出到佢既鲜味。蛏子饱满多肉，清蒸最能食出鲜味。南非鲍鱼加上虫草花一齐蒸，虫草花作用同陈皮一样可以为鲍鱼提升佢既味道，最重意系虫草花唔会好似陈皮咁抢咗鲜味，不错。姜葱蒸海班片，鱼肉够滑，最喜爱食海班的鱼皮，充满骨胶原！粥底选了南瓜排骨粥，吸收晒海鲜的精华，食落有淡淡排骨肉香，为呢个晚餐作结，非常满足。