本色鍋品料理

营业中

休息中

呢度平时夜市系做打边炉，午市就做饮茶食点心。两点钟左右去到唔驶等位就入到。流砂包好热，上嘅时候出哂烟。卖相真系好靓，金色好似用毛笔画上去咁。望咗阵先舍得食，奶皇味道唔系好甜。健康啲可以放心食😋入面因为够热，奶黄做到好「流心」。小笼包有三粒，每一粒都有个碗装住，而小笼包下面用咗一块叶做承托。小笼包个皮好薄，拎嘅时候千万要小心，我自己都整穿咗个。入面嘅汤唔算太热。基本上系顶部咬开吹一吹就食得。整体来说唔错。白灼时菜系用上汤去灼，非常健康。唔驶落鼓油都接受到。新竹炒米粉炒得好干身，而且非常大碟，足够两个人食，$58蚊真系好抵。配上炒蛋、椰菜、芽菜、猪肉丝、洋葱、芝麻同萝卜。发挥到水准，简简单单但好好食👍🏻陈川粉蒸排骨，好重蒜香味，排骨同平时酒楼食嘅差不多，底下陈川粉吸收咗排骨肉汁以及蒜蓉好入味，如果陈川粉可以薄返啲就更加好。