婆婆家餃子館

营业中

休息中

猴子好钟意去啲有公仔logo嘅舖头食嘢，呢间婆婆家饺子馆都有个得意公仔做招牌，所以都忍唔住要帮衬吓。虽然佢嘅招牌菜系饺子，不过今日想试试佢嘅牛展蛋面。（家阵先发觉原来电脑系打唔到「月」+「展」个「月展」字，唯有用个「展」字代替。）碗面嘅卖相真系好靓，材料好明显系用心摆放，一片一片嘅牛展、卤蛋同白菜都有佢嘅位置，呢啲心思都系值得一赞嘅。牛展食起上嚟好香好烟韧，不过份量唔太多，有啲唔够喉。卤蛋亦都好够味，唔系剩系得色水靓咁肤浅。至于啲面，比较沉实咗一啲，唔太弹牙，口感差啲。