南山白汁冰

营业中

休息中

今日早咗，4点几经过见到好多学生食紧，就去另一边食晚餐炒小菜炸猪手先，食到好热气，出嚟食返个白汁冰，好彩都冇人排，即刻买返个白汁芒果汁西米 有埋芒果肉。拎到返屋企都仲冻，个底好多一片片嘅碎冰，应该就系白汁冰，食落好得意仲好够冻，系芒果汁唔够多，争少少芒果味，芒果粒唔够熟，都比较淡口，唔使排队食一次都OK。不过好奇怪，买嘢嘅老板无论男女都好唔愿做咁，其实又冇人排队又唔忙，点解面口会咁嘅！食甜品我都系想开心😊顺便排埋隔离鸡蛋仔，排成日10几人，闻到嘅味好香，但系食入口就只系正正常常，但系老板娘就好健谈，话好攰好辛苦，就算好忙都不忘招呼同熟客倾计，我呢啲生口面佢都倾两句。专业！