樂天經典 (奧海城二期)

营业中

休息中

乐天经典，间中都会去食个饭，贪佢个地方静静地同座位几好坐，今晚约左我老豆同阿妈。我地叫左溏心皮蛋、砂煲天麻黄酒鸡、荔枝咕噜肉、古早鱼香老鼠粉煲、香脆弯月黄立鲳、金银蛋浸时蔬同青岛啤酒。溏心皮蛋﹕蛋心味浓郁又香，咬落去，口感软滑，有别于其他食肆，十分喜欢。砂煲天麻黄酒鸡﹕好多姜丝，D鸡好有黄酒味，仲要系极浓，够滑，如果鸡件多D肉会更正。荔枝咕噜肉﹕好适合夏天食的一道菜，青椒、红椒、洋葱十分爽口。咕噜肉外面炸得脆脆的，配上一层浓郁的芡汁，酸酸的，十分开胃。虽然叫既系荔枝咕噜肉，但眼见有菠萝，视觉同味觉混淆了。古早鱼香老鼠粉煲﹕听闻系马拉系一道好出名既美食，所以今次叫黎试下。员工将一个瓦煲放上枱，热腾腾的，打开煲盖，之后放只生蛋，将煲内既食物搅拌数下，完成。我舀黎睇下先知老鼠粉原来系银针粉，老鼠粉嫩滑、配上砌碎的冬菇、咸鱼碎、肉碎等等，质感有趣，有一PAT PAT的感觉，方便懒人入口。香脆弯月黄立鲳﹕上枱前觉得佢个鱼样好衰，但开左佢块皮后，鱼肉好腍，好滑，唔洗5分钟，全家好以D猫咁食晒，然头都唔放过。金银蛋浸时蔬﹕上汤味道浓郁，新鲜柔软的菜面上有好多已砌碎的咸蛋、皮蛋、猪肉等等。