影片
更多
2024-06-05
2532 浏览
朋友仔识饮识食，呢日佢同我讲油麻地有间美味怀旧中菜，话要带我同其他几个老友试吓，所以大家就约好放工一齐跟佢过去食好嘢。到咗先知原来餐厅位于南华体育会网球中心入面，装修及音乐都充满老香港情怀，未食之前就满足咗视觉享受; 当晚我哋叫咗以下几款食物: 茶壶功夫汤 - 呢款汤以紫砂茶壶盛载，存热很好，一送过来就闻到椰汁香味，打开盖望吓，就见到有鸡脚、猪肉、瑶柱、五指毛桃、海底椰等等，唔怪之得饮落咁清甜，呢个汤有齐视觉、嗅觉、味觉嘅享受，饮完汤令我更期待之后的菜式。百花酿蟹钳 - 呢款真系粤菜经典，以前细个去饮系一道不可缺少嘅菜式，反而大咗去饮只系间唔中先食到，南华轩嘅炸蟹钳炸得刚刚好，外皮一啲都唔油腻，中间嘅虾胶不但弹牙，仲食到虾嘅鲜味，最惊喜食到蟹钳最里面有鲜味嘅蟹肉连住，真系好好味，点吓酸酸𠮶碟酱汁，即可解腻。菘露酱珊瑚带子 - 珊瑚蚌及带子分别食落爽脆鲜嫩，没有炒过火，西兰花煮得软硬适中，菘露酱独有嘅香味，令整体锦上添花。花菰肉丝脆燘龙趸头腩 - 估唔到𩠌如其名，炆龙趸头腩鲜嫩多汁，个层外皮keep到系脆就算食到最后一啖，都依系脆脆哋，简单加上花菰及肉丝一齐煮，但食材新鲜上盛，调味拿捏得
到咗先知原来餐厅位于南华体育会网球中心入面，装修及音乐都充满老香港情怀，未食之前就满足咗视觉享受; 当晚我哋叫咗以下几款食物:
茶壶功夫汤 - 呢款汤以紫砂茶壶盛载，存热很好，一送过来就闻到椰汁香味，打开盖望吓，就见到有鸡脚、猪肉、瑶柱、五指毛桃、海底椰等等，唔怪之得饮落咁清甜，呢个汤有齐视觉、嗅觉、味觉嘅享受，饮完汤令我更期待之后的菜式。
百花酿蟹钳 - 呢款真系粤菜经典，以前细个去饮系一道不可缺少嘅菜式，反而大咗去饮只系间唔中先食到，南华轩嘅炸蟹钳炸得刚刚好，外皮一啲都唔油腻，中间嘅虾胶不但弹牙，仲食到虾嘅鲜味，最惊喜食到蟹钳最里面有鲜味嘅蟹肉连住，真系好好味，点吓酸酸𠮶碟酱汁，即可解腻。
菘露酱珊瑚带子 - 珊瑚蚌及带子分别食落爽脆鲜嫩，没有炒过火，西兰花煮得软硬适中，菘露酱独有嘅香味，令整体锦上添花。
花菰肉丝脆燘龙趸头腩 - 估唔到𩠌如其名，炆龙趸头腩鲜嫩多汁，个层外皮keep到系脆就算食到最后一啖，都依系脆脆哋，简单加上花菰及肉丝一齐煮，但食材新鲜上盛，调味拿捏得恰到好处，呢味𩠌又系深得我心。
砂锅咸肉带子炒饭 - 送到过嚟职员会再兜匀炒饭，避免砂锅太热，令炒饭㶶咗，呢啲细心位值得一赞，炒饭炒得粒粒分明，食到底都见到有油，很有获气，而且咸肉食落唔会过咸，有少少咸香，带子鲜嫩，加上菜茎粒及炒蛋，口感丰富，印象难忘。
杂果凉粉 - 虽然是赠送的甜品，但感觉唔系求求其其，凉粉食落烟韧弹牙，凉粉味清香，跟街外吃到的有些不同，很熟悉但就系好味进化版，食埋甜品真系大满足。
呢餐果然系高质怀旧粤菜，老友们都很满意，另外，职员态度殷勤有礼，值得加许; 下次会再约家人嚟试吓餐厅其他怀旧中菜。
张贴
