KoBaNe by Minimal

营业中

休息中

最近发现有啲忽略左屋企戈3只猫，所以今次决定带我屋企嘅港长（阿Bei)&缅因(蕃薯）两只去荃湾嘅南丰纱厂玩下。南丰纱厂宠物友善嘅餐厅都唔少，今次试嘅就系《KoBaNe by Minimal》，餐厅主打简约木质风格，环境舒适。寿喜烧牛肩肉鹿茸菇烩饭牛肉片煮到腍先，中间再放左一只流心蛋，食之前先搅拌均匀，待饭粒吸引哂蛋液就可以食啦。味道有寿喜烧嘅甜味，而牛肉又有牛脂香，味道平衡得好好。鳗鱼荞麦面夏天就最啱食番碗冰冻荞麦面，面身弹牙又清爽，加上外层烧到焦香嘅鳗鱼，啖啖鱼肉鮨香。日本白桃荔枝沙冰配铁观音雪糕淡粉红嘅冰沙打卡真系好靓，沙冰入口即溶。底层仲有充满茶香嘅铁观音雪糕和白桃肉，甜到入心。蕃薯伊予酥盒配陈皮柑橘雪葩 纸鹤原来系紫蕃做成，可以成只食落肚，好得意。另外酥盒香脆又有牛油香，加埋酸甜嘅陈皮柑橘雪葩 一啲都唔会腻。自家制海盐焦糖咖啡充满果仁香气，又带海盐嘅咸味。