壹食就醉

营业中

休息中

之前向澳门食过一间卜卜蚬好好食，呢排突然又心挂挂想食，但又无时间去澳门一转，于是上网睇下香港有无类似嘅，发现原来尖沙咀近韩国街附近有一间上楼小炒火锅店有卜卜蚬食，于是即刻book枱跟好友一起去试试。位置有少少难揾，而且招牌不太明显，大家要抬头望望先见到招牌，楼下大厦要㩒门钟等店家开门先可以进入。上到去餐厅间开咗好多间房，每间房仔大概可以放到3，4张枱，方便一大班朋友黎可以book房食饭。二话不说当然即叫一锅卜卜蚬先啦！我地叫咗锅细既‘清酒卜卜蚬’试下，份量非常多，而且先滚一滚，之后再加入清酒，滚多阵就可以熄火食得，清酒香味扑鼻，蚬肉入口鲜甜多汁，肉质肥美，汤底清甜滋味。黄金大虾牛油蛋黄酱十分香浓，虾身脆卜卜，虾肉爽口弹牙，非常香浓滋味。椒盐鲜鱿外皮香脆咸香，鲜鱿鲜嫩可口，香口美味。