火鳳凰火鍋料理 (已結業)

平时去旺角食嘢想少人啲，我都会行近波鞋街后面，冇咁人来人往。喺太平道近旺角东站，有间上一楼嘅火凤凰，火锅料理，下午系食点心，晚上系边炉。门口见到火锅套餐几吸引，六款海鲜有象拔蚌仔，元贝，海虾，蟹，圣子，海鱼，足够四人份量。近乎所有位都系卡位，坐得宽敞。就算二人都系比四人枱。汤底都有十几款，其中椰子红枣清远鸡汤底，另上清远鸡半只，果然系走地，皮下脂肪完全冇。睇嚟只鸡真系做好多运动，而鸡味重，有赵口。饮下一个汤，都好有椰子清香，唔觉有太多味精。西班牙梅花豚肉好大碟，有十块猪卷。汤底好饮嘅时候，最啱就系叫竹笙同腐竹。有信心下次试吓饮茶，坐得舒服嘅酒楼唔算多。