影片
更多
2011-05-02
79 浏览
1月29日, 今晚特登搭个车嚟湾仔, 就系为咗食呢间中东野, 其实都唔太清楚佢地嘅食物系来自土耳其定印度? 印象就只知道有好多羊肉制嘅食品, 仲有两碌大大旧嘅烧鸡肉同烧羊肉喺度转下转下咁~ 来到这里, 终于可以一尝卡巴了! 呢间ebeneezer店舖细小, 只有舖内2张枱, 同街边2张, 都系做外卖生意多, 好彩我地去到都有位坐~::: 鸡肉卡巴 ::: $52一大条嘅卡巴, 用锡纸包住, 热辣辣的又实的的, 感觉用料好足~ 一撕开锡纸, 浓浓嘅鸡肉味就散发出嚟, 忍唔住要即刻食! 除咗鸡肉之外, 中东包包住嘅仲有洋葱、生菜呀咁, 再加上沙律酱, 味道又鲜又浓, 非常好味! 仲要系由头食到尾啖啖都有料, 真系好饱好满足! 好正呀, 呢个卡巴成为我嘅no. 1 飞佛!::: 烧羊肉沙律 ::: $46成个沙律不论系蔬菜、羊肉定沙律, 全部都毫不吝啬出手劲阔绰!! 菜方面除咗有生菜外, 仲有好多青瓜、甜椒同番茄~ 全部都好新鲜爽脆! 羊肉份量系超级无敌多!! 亦系成个沙律嘅精粹!! 虽然唔系新鲜由碌转转烧羊肉切落嚟, 但羊肉翻热过后仍能散发出羊脂半溶嘅臊香~ 羊肉外层微微焦脆, 内里油香肉
::: 鸡肉卡巴 ::: $52
一大条嘅卡巴, 用锡纸包住, 热辣辣的又实的的, 感觉用料好足~ 一撕开锡纸, 浓浓嘅鸡肉味就散发出嚟, 忍唔住要即刻食! 除咗鸡肉之外, 中东包包住嘅仲有洋葱、生菜呀咁, 再加上沙律酱, 味道又鲜又浓, 非常好味! 仲要系由头食到尾啖啖都有料, 真系好饱好满足! 好正呀, 呢个卡巴成为我嘅no. 1 飞佛!
::: 烧羊肉沙律 ::: $46
成个沙律不论系蔬菜、羊肉定沙律, 全部都毫不吝啬出手劲阔绰!! 菜方面除咗有生菜外, 仲有好多青瓜、甜椒同番茄~ 全部都好新鲜爽脆! 羊肉份量系超级无敌多!! 亦系成个沙律嘅精粹!! 虽然唔系新鲜由碌转转烧羊肉切落嚟, 但羊肉翻热过后仍能散发出羊脂半溶嘅臊香~ 羊肉外层微微焦脆, 内里油香肉嫩, 本已经好惹味~ 再捞埋乳酪沙律酱同香草酱~ 好好味!!!
尽管佢地食物美味, 服务都算好, 但系卫生只可给最低分… 不得不提系我地食嘅时候, 有一个疑似系乞丐嘅呀伯, 企喺店舖外面, 初时以为佢系等食人地食剩嘅食物, 点知佢会帮客人递餐同收餐具, 亦会不时走入厨房… 我地都被吓呆了, 亦都不敢求证系咪店舖有请佢做野… 虽则个呀伯满口笑容地招呼鬼佬, 但系佢嘅衣著外形也太兀突, 都会吓怕客人… 所以, 卫生只能给最低分…
张贴
