Oui Oui Bistro (已結業)

今日去开长沙湾区探亲人，所以揾左附近呢间小西餐听试一试，门面喺街上宁宁舍舍特别靓嘅一间，所以都好养眼好易揾，店内细细只有几张枱，装修似小酒吧既感觉，水吧好精致。侧边有个玻璃窗可以睇到厨房内环境。Menu上嘅款式唔算多，佢哋主打系Egg Benedict同All Day Breakfast, 我哋拣咗一个经典既款Egg Benedict 卖相吸引，流心蛋浆非常丰富，有Ham 同一啲配菜，包上有粒菇吊返d 味，令整个包浓味D。Cesar salad 系一个以烟肉为主嘅沙律，非常非常多烟肉，烟肉软硬度适中同好香口，沙律菜好新鲜，一咸一淡夹埋balance返，加埋佢哋嘅蛋黄酱好好食。卡邦尼意粉俾我哋想像中做得更好食，首先又系佢哋拿手嘅流心蛋做得好好，调味丰富有香草有黑椒有松露，卡邦尼唔系普通只重忌廉味，佢哋嘅汁好重松露同黑椒味变咗整体嘅味道好丰富，酱汁口感好creamy 同细滑，将蛋浆同个意粉混埋一齐更加滋味。食物方面价钱都唔平，但做得有水准都OK。而饮品方面佢哋特别饮特别平，特别调配嘅果味Soda都只系＄18,而且味道都唔错。