潮洲滷 (已結業)

见OpenRice好多好评，喺湾仔买完野之后，就买埋卤水鹅返屋企加料😁😁店舖虽小，但干净整洁，餐牌亦清晰易明，睇紧食乜嘢嘅时候，仲有好多熟客帮衬👍🏼👍🏼食评果然冇介绍错，卤水鹅好香嘅卤水味，但唔会死咸，仲要食到香浓嘅鹅肉味，令人食完一件接一件😋😋鹅肉一啲都唔肥，啖啖肉，肉质唔错，唔会太硬。我就最钟意几点醋嚟食，酸酸甜甜👍🏼👍🏼一啲冇乜肉，剩系得皮嘅位置，其实都非常好食，慢慢咀嚼，可以感受到浓浓鹅香。 另外仲加咗卤水鸡翼同埋鸡蛋，同样卤水味都非常入味，屋企有小朋友嘅话就啱晒👍🏼👍🏼超受欢迎，眨吓眼清晒😆😆佢最好嘅系唔会太咸，就算就咁食，定系𩠌饭，都系唔错嘅选择😎😎