鹵八鵝店 (已搬遷) 新店位置

今日黎到湾仔附近做野, 食饭时间经过春园街, 见到呢间小店几特别, 就入左去试下。呢间小店之前有同事都试过, 评价系不过不失, 咁今日就等我试下啦! 叫了一份例牌卤水鸭同埋一碗例汤, 等左5分钟左右野食就到, 闲日中午店内都几多人, 相信有唔少打工黎中午黎呢度食, 亦有唔少人买外卖。卤水鸭(例) $60份量都唔少, 应该有1/4只鸭, 入味, 皮滑, 不过如果可以降少少咸度就更好! 试埋佢个辣椒油, 有好大改进空间, 唔够香味, 亦偏咸, 加埋佢既卤水鸭本身都偏咸食得都几辛苦。例汤 $10今日例汤系白菜汤, 听同事讲佢地例汤日日都会转, 上次佢食系咸菜猪肚汤, 大大碗咁几抵饮。当然亦比饮可乐健康啦!两样野加埋$70, 系湾仔区食算系有dd贵了, 不过食得饱味道又唔算差, 都叫做收货了。