影片
更多
2021-10-24
1030 浏览
位处深水埗长沙湾嘅呢间餐馆，单睇个店名以为应该系香港仔😅不过就好似星洲炒米、福建炒饭一样，个名同个位置无关。讲番啲食物，呢间餐馆好适合家庭同朋友聚会，食啲够碟头镬气又食香几支啤酒。晚餐点咗11碟菜，分别有卤水鹅肝拼盘、椒盐白饭鱼，蚝饼、咕噜肉、啫啫芥兰煲、炸虾枣、蒜蓉开边蒸虾、刴椒大鱼头加伊面底、鲍鱼鸡煲、糖醋煎面同反沙芋。最值得推介嘅系卤水鹅肝，好滑，同卤水啲味好夹，并埋爽口鹅肠同豆腐鹅肉好好食。另外，椒盐白饭鱼嘅鱼比一般嘅粗身，够鱼味。鸡煲好惹味，一上台香辣味扑鼻，蒜蓉中虾好新鲜，刴辣椒大鱼头加伊面比较特别，个面底因为吸收咗个汁好好食，不过唔食得辣嘅话就要小心😅个糖醋煎面煎得好香口。相对逊色嘅反而系菠萝咕噜肉，菠萝新鲜，不过肉较干同粉多咗啲，反沙芋松化，可惜太粗身。整晚侍应都好忙，有侍应不足嘅感觉，不过态度好好，反正唔系去高级餐厅，气氛反而紧要啲。
讲番啲食物，呢间餐馆好适合家庭同朋友聚会，食啲够碟头镬气又食香几支啤酒。
晚餐点咗11碟菜，分别有卤水鹅肝拼盘、椒盐白饭鱼，蚝饼、咕噜肉、啫啫芥兰煲、炸虾枣、蒜蓉开边蒸虾、刴椒大鱼头加伊面底、鲍鱼鸡煲、糖醋煎面同反沙芋。
最值得推介嘅系卤水鹅肝，好滑，同卤水啲味好夹，并埋爽口鹅肠同豆腐鹅肉好好食。另外，椒盐白饭鱼嘅鱼比一般嘅粗身，够鱼味。鸡煲好惹味，一上台香辣味扑鼻，蒜蓉中虾好新鲜，刴辣椒大鱼头加伊面比较特别，个面底因为吸收咗个汁好好食，不过唔食得辣嘅话就要小心😅个糖醋煎面煎得好香口。
相对逊色嘅反而系菠萝咕噜肉，菠萝新鲜，不过肉较干同粉多咗啲，反沙芋松化，可惜太粗身。
整晚侍应都好忙，有侍应不足嘅感觉，不过态度好好，反正唔系去高级餐厅，气氛反而紧要啲。
张贴
