峇里餐廳 (已搬遷) 新店位置

情人节同女朋友去食, Book左位唔使等, 环境唔错, 空间都几大下, 我地叫左3样野食, 份量好足够。加多加多:  即系印尼沙律, 加多加多系个酱既名, 多数配多种蔬菜同埋虾片来吃, 呢度D虾片用左较硬身既, 出到来都够脆, 个酱够浓加埋少少辣,好好味, 必食之选。印尼酱烧鸡: 可以拣1只或只半只, 烧出来唔会好干, 肉质好滑好嫩, 酱够浓, 重花生味, 配埋旁边青瓜来食岩岩好, 半只够3个人食。印尼杂锦抄粉丝: 有虾有鸡有蛋, 炒得够香够镬气, 粉丝够弹牙, 食完不断想再食, 加多小小辣就不得之了。因为屋企关系, 本身就食印尼野食到大, 而且又去过印尼几次, 呢度可以做到同印尼食个D味道好接近, 真系好唔错。