影片
更多
2022-12-14
2870 浏览
📌 峇里堂 - 尖沙咀弥敦道176号The Nate3楼🗓(14/12) 星期三 ⏰ 晚上7点左右 💈特式：峇里岛系印尼出名嘅旅游地方，呢间峇里堂都系主打印尼风味嘅餐厅，香港食真正印尼食物嘅地方可能唔算好多，反而比泰国同越南菜占左大多数，我今次就同大家嚟试下呢间正宗嘅印尼餐厅。🥩🍔🌭🌮🥗🥯🥘🍲🍝🍣🥟🍤🍱食物：今日虽然得两个人食，但都叫多d特色野同大家分享下，等我又同大家讲下峇里味道先。不是「南乳猪手」是「巴东猪手」 - 我本身系好钟意食猪手，有时都会系屋企自己整南乳猪手，佢呢个巴东猪手个色真系同南乳猪手好似，唔怪得知佢个名要特登喇咁叫，呢个巴东猪手一客会有3件，件头都几大件，亦系多肉少骨，个汁就同南乳汁唔同，系有少少咖哩香同偏向微辣嘅口感。印尼沙爹炒猪肉饭 - 呢个炒猪肉饭份量一d都唔细两个人都够食，个沙爹汁好香同比起正常食开嘅沙爹汁偏甜，但个汁配饭食都几夹，d猪肉份量都足够，同埋应该有烧香过，食落有好香嘅猪肉味。虾酱炒通菜 - 呢个系好普通嘅家常菜，好多餐厅都有，但唔系度度都炒得好食，但呢间都做得唔错，味道平衡得几好，微辣得嚟又唔会比辣味抢晒其他味道。双色咖央多士 -
🗓(14/12) 星期三 ⏰ 晚上7点左右
💈特式：峇里岛系印尼出名嘅旅游地方，呢间峇里堂都系主打印尼风味嘅餐厅，香港食真正印尼食物嘅地方可能唔算好多，反而比泰国同越南菜占左大多数，我今次就同大家嚟试下呢间正宗嘅印尼餐厅。
🥩🍔🌭🌮🥗🥯🥘🍲🍝🍣🥟🍤🍱
食物：今日虽然得两个人食，但都叫多d特色野同大家分享下，等我又同大家讲下峇里味道先。
不是「南乳猪手」是「巴东猪手」 - 我本身系好钟意食猪手，有时都会系屋企自己整南乳猪手，佢呢个巴东猪手个色真系同南乳猪手好似，唔怪得知佢个名要特登喇咁叫，呢个巴东猪手一客会有3件，件头都几大件，亦系多肉少骨，个汁就同南乳汁唔同，系有少少咖哩香同偏向微辣嘅口感。
印尼沙爹炒猪肉饭 - 呢个炒猪肉饭份量一d都唔细两个人都够食，个沙爹汁好香同比起正常食开嘅沙爹汁偏甜，但个汁配饭食都几夹，d猪肉份量都足够，同埋应该有烧香过，食落有好香嘅猪肉味。
虾酱炒通菜 - 呢个系好普通嘅家常菜，好多餐厅都有，但唔系度度都炒得好食，但呢间都做得唔错，味道平衡得几好，微辣得嚟又唔会比辣味抢晒其他味道。
双色咖央多士 - 呢个双色多士系一个甜点，首先颜色好靓好吸引，当时味道都系一流，多士烘得好香脆，入面夹住一块厚身鲜牛油，虽然好邪恶但亦都好吸引，天使/魔鬼集中于一身。
☕️🍵🥤🧋🍺🍷🥃🍹🧉🍾🍶🥛
饮品 - 餐厅有出售印尼曼特宁混合咖啡，呢个出面好似比较少见，不过惊夜晚瞓唔著所以无叫，下次lunch时间嚟应该会试，餐厅仲有其他特色饮品或花茶。
🍽环境：餐厅面积都好大，枱与枱之间位置都好松动，环境感觉卫生/整洁，装修都系比较简单，但从中都见到好多印尼风彩嘅摆设/挂画等等，气氛偏宁静，都坐得几舒服。
🤵🏻🤵🏻♀️🤵🏻♂️服务：员工服务态度好好，提供服务同上菜/收碟速度都好快，亦会详细介绍/讲解menu同菜式。
💰💸价钱：叫左总共4样野，埋单都只系$200左右，当中有主食/小食/小菜为返都系$50左右一款食物，价钱真系好抵食。
🐲💬总结：我系香港比较少接触印尼食物，但今次食完又觉得印尼食物同呢间餐厅嘅质素都几高，价钱又够晒抵食，我相信我会再嚟试埋佢地其他食物。
推荐指数：❤️❤️❤️❤️🤍
不是「南乳猪手」是「巴东猪手」
$56
35 浏览
0 赞好
0 留言
印尼沙爹炒猪肉饭
$61
50 浏览
0 赞好
0 留言
虾酱炒通菜
$63
28 浏览
0 赞好
0 留言
双色咖央多士
$36
28 浏览
0 赞好
0 留言
张贴
