影片
更多
2011-01-18
88 浏览
天寒地又冻, 睇完早场正值中午时段, 肚仔饥饿辘辘…快快打个算揾地方落脚…收窄范围, 锁定东南亚美食…想起越多年冇光顾o既老字号<印尼餐厅>就向附近, 何不来个旧地重游, 睇睇如何个光景呢!?...沿梯走上二楼…地方依旧, 人面我又吾认得咁多…好记得以前有个貌似”李家鼎”o既服务员…今日招呼我地哩台o既就系一个笑骑骑像极”黎彼得”的…好搞笑!!...服务员都著住带点印尼色彩o既制服; 此际只系窗边果排箱座几近客满…大厅中间则零星坐著一两台客…灯光昏暗柔和, 轻轻播著印尼曲目…环境感觉平和温暖…被安排坐箱座, 舒适宽裕…每箱座头顶挂著吊灯…带出情调…人都不其然放轻松点!!...餐牌一到, 人又变得吾冷静了!!...哈哈!!...花心本是天性, 但最后都选择番”旧爱”…沙嗲串烧…要左3串牛肉3串猪肉…两者都肉味浓郁, 但牛o既肉质较韧…猪肉嫩口得多…所以猪好D; 个沙嗲酱当真好味道!!...我地仲要求”黎彼得”添多一碟…等阵捞饭食呀!!...炸粟米饼…好奇想试个花生饼…点知话今日冇播!!...又问问豆泥饼系点架??...但”黎彼得”推介粟米饼最受欢迎…话用虾肉做…咁就听佢讲
沿梯走上二楼…地方依旧, 人面我又吾认得咁多…好记得以前有个貌似”李家鼎”o既服务员…今日招呼我地哩台o既就系一个笑骑骑像极”黎彼得”的…好搞笑!!...服务员都著住带点印尼色彩o既制服; 此际只系窗边果排箱座几近客满…大厅中间则零星坐著一两台客…灯光昏暗柔和, 轻轻播著印尼曲目…环境感觉平和温暖…
被安排坐箱座, 舒适宽裕…每箱座头顶挂著吊灯…带出情调…人都不其然放轻松点!!...餐牌一到, 人又变得吾冷静了!!...哈哈!!...花心本是天性, 但最后都选择番”旧爱”…
沙嗲串烧…要左3串牛肉3串猪肉…两者都肉味浓郁, 但牛o既肉质较韧…猪肉嫩口得多…所以猪好D; 个沙嗲酱当真好味道!!...我地仲要求”黎彼得”添多一碟…等阵捞饭食呀!!...
炸粟米饼…好奇想试个花生饼…点知话今日冇播!!...又问问豆泥饼系点架??...但”黎彼得”推介粟米饼最受欢迎…话用虾肉做…咁就听佢讲啦!!...4件大大件架…虾饼面放粒粒清甜粟米…用蛋浆炸过通透…面头再洒上好香白胡椒…少少辣更惹味…原本上桌时朋友怕食吾晒谂定打包…结果…咪…都忍吾住扫清光!!!...
印尼炒饭…材料有鸡丝、鸡蛋、洋葱、清葱, 用上大量白胡椒齐炒好香口…面放少少腌虾仔干…以炸虾片同酸青瓜条伴碟…饭米企身炒得够松散, 粒粒都充份吸收精华…热腾腾香喷喷…大大碟都清晒呢!!!
食完咸…又想食甜…餐牌上甜品类得数款…都系普通椰汁喳喳西米露之类; …虽则我吾多钟情印尼甜糕, 因布甸/啫哩质感类的一向非我所欲…但大大话都有10款以上任君选择(人都系钟意有选择的!!), 而且较道地嘛…服务员叫我到地下外卖柜自己慢慢拣…
肉桂千层糕…首选这个, 起码系蛋糕而且味道我都认为系较美味的, 层层相间够幼细, 卖相讨好…肉桂味吾算重, 甜味刚好…硬身蛋糕质感则丰厚带点实…可以!!
斑兰拉椰糕…朋友就喜欢哩款, 斑兰清香, 淡淡的…椰味吾浓…橡胶质感…
紫薯椰汁糕…布甸太胶, 白色面层丁点椰味都吾觉, 紫薯亦味淡…口感味道都麻麻!!
菜式都属$70以下…粗粗o既糕点…堂食收$5每件…埋单$225...
张贴
