阿明印尼餐廳 (已結業)

之前食过一次阿明既加多加多沙律好地道，所以今次黎翻兜食其他野因为要留肚去食无名格仔饼，所以今次好克制地只系叫左一人一款食物同一杯饮品~饮品先上枱，左边系绿豆冰右边系热甜茶~绿豆冰只系有少少甜，感觉好清爽，岩哂夏天用黎消暑甜茶就系（印尼?）茶包茶再自己落糖，冇乜几可会剩系加糖落热茶饮用，感觉有少少怪但味道都ok既 黄姜饭 ，好香又好丰富既一碟饭，基本上咩料都有齐哂，有惹味既巴东牛肉同好入味既茄子， 咸咸地又香口既花生同鱼干仔，面头有pat辣酱既半蛋，脆口既印尼虾饼同埋解腻既 酸青瓜丝 压轴既系超好味既手打捞面，又系劲多𩠌既一碗呀，有叉烧，炆猪肉，云吞，虾饼，鱼蛋，猪皮。咁多款𩠌我都觉得唔错（但云吞在那? 可能漏加了），但最好味既系个手打面❗个面有d似竹升面，好爽口弹牙但又完全冇碱水味，加埋d少少酸酸地既汁好引人食欲，虽然天气颇热但碗面令我胃口大开