Yaadgar Kebabs and Curries (已結業)

西贡真系包罗万有，行下行下我闻到几香既咖哩味，我就走左入去啦。餐牌入面既选择唔算多，咖哩，kabab同少许既印度小食。印度菜黎讲我都有几分既认识，主要出名既佢都有系到，唯独系无牛油鸡。同埋无分南北印度菜，睇黎佢都系做香港人生意多。入面环境细细地，有几张枱，唔大。电视一直播住印度歌曲节目，有一种印度气氛既。侍应同厨师都系印度人，要讲英文架。咁我就嗌左masala chicken 同 kabab同naan，试下佢地先。首先我会觉得佢比较煮得近香港人既味道，姐系无咁辣，香料味唔重，同比较甜。唔系话唔好既，各花入各眼啦，可以好d。Kabab做得几好，皮唔算厚，但份量就唔多，鸡既份量唔多，做唔到啖啖鸡肉，可以卖得平番d既。整体黎讲系比较近香港口味既一餐印度野，唔辣，唔太香，价钱正常既一餐。