影片
更多
2017-10-27
280 浏览
都好耐无食过印度嘢喇，一时庆起，撞啱老婆有要事唔开饭，摘日不如撞日，就揾咗老友陪吓小弟去食餐印度饭，原来老友都钟意印度菜。香港有唔少印度餐厅，晌网上搜集吓，就发现有超过160家，可见都几多人钟意印度菜，而且，以前到访过嘅都喺印度裔厨师，印度裔侍应，今晚到访嘅「咖喱叶」都喺一样。依家去啲印度餐厅，大多数都装潢摩登时尚，只喺摆多少少象征印度嘅小摆设及挂画。餐厅分地下及楼上两层，地下层设有酒吧，故地方显得唔大，座位亦唔多，感觉有少少逼，但配以舒服好坐嘅梳化椅，墙上嘅大电视又不停播放印度MTV。而楼上只有用餐区，地方显得阔落啲。最估唔到，有唔少本地客，而且，似喺熟客，因为一入门口就同店经理打晒招呼，有讲有笑咁。虽然店员全喺外藉，但店经理识广东话，简单点菜用广东话都无问题。餐牌亦中英对照，部份有图示，大不了手指指点菜，再者，所有菜式都有代号，更唔使太担心点菜问题。离开时见门口有啲单张，索性上载出嚟俾大家参考仲清楚。但最估佢唔到，小小一家店，由汤品、前菜、印式烧烤、咖喱、印度香米饭、印式炒饭、印度薄饼及煎饼、配菜、沙律、甜品、饮品，甚至有少少特色中国菜，虽然都喺鸡羊菜鱼虾之类，菜式却喺过百款，做法
依家去啲印度餐厅，大多数都装潢摩登时尚，只喺摆多少少象征印度嘅小摆设及挂画。餐厅分地下及楼上两层，地下层设有酒吧，故地方显得唔大，座位亦唔多，感觉有少少逼，但配以舒服好坐嘅梳化椅，墙上嘅大电视又不停播放印度MTV。
而楼上只有用餐区，地方显得阔落啲。最估唔到，有唔少本地客，而且，似喺熟客，因为一入门口就同店经理打晒招呼，有讲有笑咁。
虽然店员全喺外藉，但店经理识广东话，简单点菜用广东话都无问题。餐牌亦中英对照，部份有图示，大不了手指指点菜，再者，所有菜式都有代号，更唔使太担心点菜问题。离开时见门口有啲单张，索性上载出嚟俾大家参考仲清楚。
但最估佢唔到，小小一家店，由汤品、前菜、印式烧烤、咖喱、印度香米饭、印式炒饭、印度薄饼及煎饼、配菜、沙律、甜品、饮品，甚至有少少特色中国菜，虽然都喺鸡羊菜鱼虾之类，菜式却喺过百款，做法亦多元化。
除主餐牌内嘅饮品，仲有唔少啤酒、红白餐酒及烈酒供应。
胡椒饼（Papadam）甫坐低无耐，除递上湿毛巾抹手（以便印度人用手食饭），就会送上一小篮胡椒饼，件以三款酱：印度辣酱、薄荷酱及杂菜辣椒酱，胡椒饼超薄超脆，又有黑胡椒香，最睇唔出啲杂菜辣椒酱喺劲辣。
羊肉咖喱角（Mutton Samosa） $40印式嘅咖喱角跟我哋港式咖喱角喺两样嘢，三角锥体嘅咖喱角喺常见嘅印度小食，口感比较酥化。今次拣羊肉，里头填满羊肉及青豆，因为下咗唔少香料，所以，啲羊入口完全唔膻，又几特别。
唐多里烧烤大拼盘（Tandoori Mixed Grill）$210印式烧烤唐多里（我较钟意译天多尼）喺众多印式食物嘅心水，因为经多种香料香料、乳酪腌制再烧，宁舍香喷喷，因为心多，所以，拣咗个大拼盘，哗！一送上枱，热力四射，而且，原来都好大份，包好多嘢，唐多里烤鸡、烧烤羊肉卷、印式碳烧鱼块、印式烤鸡块、烧烤大虾。
唐多里烧烤大拼盘（Tandoori Mixed Grill）
$210
21 浏览
0 赞好
0 留言
玛莎拉咖喱虾（Prawn Masala）$140天多尼之外，玛莎拉又喺不可或缺嘅心水菜式，玛沙拉喺混合多种具芳香性嘅香辛料所做，喺印度料理嘅万能香料，所以，做出嚟嘅咖喱汁会芳香带微辛，配印度烤饼绝对喺天衣无缝嘅组合。而里面嘅鲜虾可不少，好似捞极都有，虽然虾肉唔算好爽身，但沾满玛莎拉咖喱汁，确喺惹味非常。
蒜蓉烤饼（Garlic Naan）$25点咗玛莎拉咖喱，唔点一客印度烤饼真喺讲唔过去，餐厅提供嘅烤饼款式非常多，最拣番店员推介嘅蒜蓉口味。虽然一客只得3片，但片片都非常大块，口感烟韧富蒜香，沾埋啲咖喱真喺正到痹。
印式芒果酸奶（Mango Lassi）$45到印度餐厅，芒果酸奶近乎喺小弟二话不说之选，仲记得好多年晌元朗嘅「石岗咖喱屋」，杯芒果酸奶讲明用上印度阿芳素芒果，清甜得无谱。今回杯芒果酸奶水准亦唔失礼，单单只用鲜芒果肉跟乳酪打成，芒果味香浓，渗出乳酪嘅酸香，大大杯，抵饮。
印式芒果酸奶（Mango Lassi）
$45
14 浏览
0 赞好
0 留言
玛沙拉茶亦喺富特色嘅地道饮品，标明以小壶盛载，足有2-3杯份量，虽然样似，但跟我哋饮嘅港底奶茶好唔同，茶底唔会好浓，但就有一层独特嘅芳香，正正就喺玛沙拉香料气味，入口好有一种舒缓感。
印式雪糕（Kulfi）$35小弟称得上啫甜之人，不过，对于印度甜品观感都喺一般般，除偏甜，口感亦有啲古古怪怪，好似玫瑰奶球口感好似食海绵。小弟就无打算点甜品，但友人就想试试印式雪糕，反正喺雪糕，应唔会太古怪吧！一客有两个，店员好贴心，将两个分两碟上，雪糕加咗唔少开心果仁碎，增添口感，而雪糕本物质感较实净，甜得嚟喺有种炼奶味，喺有啲偏甜，但口感OK㖞！
上文都讲过，餐前会有热手巾抹手，餐后亦有。而且，整晚嘅招呼非常好，好多细节位男侍应都做到，好似雪糕分碟上嘅例子啦，友人点玛沙拉茶，亦会问佢即时上定餐后上，此外，添水、收碟……等等均做到足。
虽然餐厅位处偏少少嘅茂林街，但离地铁站近，店内环境舒适，菜式选择又够多，最紧要喺做菜有水准嘛，兼且定价唔算高，招呼一步到位，让人食得称心满意。
张贴
