峇里堂

营业中

休息中

落地大玻离对住柏丽购物大道，光猛之余又有啲绿荫，非常舒服。餐厅人数唔多，枱同枱之间相隔远，总括而言，坐得舒服，倾计又舒服。*香浓惹味酱烧鸡髀饭 $57Nasi Ayam Panggang 印尼烧鸡髀饭~惹味酱系印尼甜风味，做完资料收集后，我谂酱汁系蒜蓉姜蓉印度香料打成酱料，再加入咸甜豉油糖罗望子酱，令到酱汁带层次嘅甜，唔系死甜嘅甜酱汁。鸡髀煮左好耐所以好入味，但唔似烧鸡，比较似卤鸡髀，而且肉质有啲嚡，冇鸡髀嘅滑嫩感。白饭超级大碗，捞甜嘅惹味酱会食唔停口。双色咖央多士 $36Roti Bakar Srikaya 双色一红一黑非常IG-able，方包烘到少少热，但完全冇水份，干到好似沙漠咁，咖央酱薄薄一层，香味椰香味淡，完全俾牛油味盖过咗。