哈比斯燒肉串和咖哩 (鴻圖中心)

营业中

休息中

我琴日响观塘做完嘢，一个人想快快脆脆食完，跟住我就去咗附近一个细嘅food court揾嘢食。入到去就见到好多间餐厅，闻到好香，当中香味最劲嘅系来自中东餐厅，吸引我去试一试。呢间中东餐厅望落去都好正宗，主要以Kebab为主，超多款式，猪牛鸡羊肉都有😜😜😜因为我真系好多都想食，最后我就拣咗夏威夷烤鸡肉Kebab，size好大，肚饿见住D酱爆晒出离都即刻流晒口水。呢个Kebab D鸡肉烤得算系几嫩口，唔柴唔干，夏威夷风味嘅酱就酸酸甜甜，唔会好重口味，令我感觉好清新，再加上卷入面仲有D蔬菜，唔会食得太滞又够饱。非常可惜嘅系我得一个胃，唔系嘅话实试多几款，但呢个Kebab真系满足到我要求，快手、饱肚同好味，下次我一个人食野有多咗一个好吸引嘅选择。总嘅黎讲，未试过嘅朋友我都会推荐佢黎一试，都几有特色😍😍😍