Kailash Parbat

营业中

休息中

香港好少正宗印度餐厅，呢间仲要系素食，平时多数都系食中餐锯扒，食到闷闷地，今日就特别啲同朋友试一试呢间印度斋。入到去餐厅，光线不是昏暗的那种印度餐厅，感觉好舒服同干净，装修好有温馨的清新感觉，周围都摆放好多印度色彩的装饰物。印度边度乡特色奶酪 $95卖相好靓，芝士砌到正正方方，用两款不同的酱汁一齐烧(红椒酱同青椒酱) ，芝士质地结实，咸咸香香的，好味！点绿色的薄荷叶酱食，不会太腻。印度黏土烤蘑菇串 $95好似汉堡包咁，两粒小蘑菇中间夹住芝士酱，好得意。 虽然芝士酱好浓郁，但亦都不失香菇味。印度特色拼盘 $80来到嘅时候以为叫自己错野，哈哈。 原来佢地系将一啲印度小食整碎咗再捞埋乳酪的。 里面有薯仔粒，脆饼，小豆， 捞埋微冻的乳酪，出奇地夹，甜甜酸酸咸咸的。芒果奶昔 $49奶昔口感好浓厚，饮到底部有辣辣地的香料粒，好似胡椒粒咁。粉红秘鲁 $49石榴汁，杯边系红辣粉，辣味好快散，先甜后辣。印度斋体验成功，值得推介。