安東尼小廚 (已結業)

想食西餐，好耐无去过西贡，上OPENRICE睇吓食评先。哗，安东尼差唔多全部都系好评，就去试吓。星期日，紧系打电话去BOOK咗位先啦，有个女仔接听电话，服务态度都好好，仲问我使唔使留定D海鲜先，我话我第一次嚟，想睇咗个餐牌先决定啰。去到环境一般啦，好有茶餐厅FEEL，一层得几张台，不过好似有上层，我地就无上过去喇。我地一行四人，叫咗两客磨菇汤，有四块蒜蓉包送，磨菇汤味道好浓，好好味，蒜蓉包够热够脆。凯撒沙律，呢个普通啫。薯蓉焗田螺，一碟有六只田螺，味道OK。椒汁炒蛏子，虽然唔系好大碟，但炒得几好味。芝士龙虾意粉，劲正，我地要咗四人份量，有好多意粉，食到好饱。临尾个朋友仲要一个芝士蛋糕，佢话好好食㖞。免茶芥及加一，总数五百二十五元，我地都觉得好抵食。一定会再有下次。