南大門

营业中

休息中

是夜两口子即兴走落鲤鱼门叹海鲜餐。无论你有无去过鲤鱼门、流浮山、屯门三圣等呢类专食海鲜的地方，大概都知道，通常都系自己拣完海鲜再交畀酒家加工的，两个人食的确嗌唔到太多海鲜款式，只系买咗：鲍鱼、蛏子、濑尿虾以及首次试食的琵琶虾。琵琶虾跟煎米底为咗品尝海鲜的原味，店子推介黄油琵琶虾，再配个煎米粉底。琵琶虾肉大鲜甜，比预期中更鲜甜，超赞！加配煎米底好正确，食前沾少许琵琶虾酱汁同食，食落有微脆的口感之余，每啖都尝到浓浓的鲜味，大推。濑尿虾大部份人都会点以椒盐方式烹调，但识食之人当然会直接叫清蒸濑尿虾啦，直接尝出濑尿虾的鲜美，而且仲可以嗒真啲濑尿虾的虾膏添！蒜蓉粉丝蒸蛏子经典海鲜菜式，所以海鲜够鲜的话，肯定好食！椒盐鲍鱼与以上几款海鲜菜式，呢款就显得比较逊色咗啲，并非鲍鱼质素差不够鲜甜，只系我认为海鲜菜式不适合以椒盐方式烹调，尤其是对住啲海鲜靓货，鲜甜的鲍鱼被重口味的椒盐包围，导致不太食到鲍鱼的鲜味。面对海鲜，建议都系清蒸或者蒜蓉算喇。水果免费赠送果盆，两个人食来讲份量算多，大满足。