影片
更多
2016-09-16
4670 浏览
事原我一句唔知点解突然好挂住韩国既炸鸡,朋友就一句唔好谂啦行动啦,就带左我去尖沙咀觅食...为食朋友听闻宝勒巷开左一间系韩国好出名既炸鸡店,所以我地二话不说就冲去试.店内装饰全部都系鸡,好有炸鸡店风格,坐位舒适,场内气氛好热闹,仲有大电视播宣传广告介绍招牌食物,真系睇到流晒口水.坐底无耐就送上几款小食,沙律粟米,腌萝卜,小饼干,腌萝卜酸酸甜甜好开胃,小饼干甜甜地好特别.女神爱卡普雷塞 ( $118) :材料有芒果,火龙果,奇异果,车厘茄,Mozzarella芝士,沙律菜,而酱汁就用左槛榄油加醋,材料新鲜,芒果仲好甜,配埋我至爱既Mozzarella芝士食,真系完美,沙律既清新口感仲可减少炸鸡既肥腻,唔错.玫瑰芝士女神鸡($188) :见到每枱都有叫,我地当然要叫一份黎试下,一上枱店员就将芝士倒上炸鸡面,睇到都流晒口水,除左面头白色既芝士之外,炸鸡下面都铺满份量十足既碎芝士,见住佢慢慢溶化真系好吸引,炸鸡点上有拉丝效果既芝士,真系食到停唔到手,食到咁上下,店员会问加唔加饭,我地当然要啦,店员将白饭,配菜和剪细左既炸鸡拌匀,过程中已闻到香浓既芝士味,炒饭炒至微焦,令到口感更为丰富.兹乐兹乐
店内装饰全部都系鸡,好有炸鸡店风格,坐位舒适,场内气氛好热闹,仲有大电视播宣传广告介绍招牌食物,真系睇到流晒口水.
坐底无耐就送上几款小食,沙律粟米,腌萝卜,小饼干,腌萝卜酸酸甜甜好开胃,小饼干甜甜地好特别.
女神爱卡普雷塞 ( $118) :材料有芒果,火龙果,奇异果,车厘茄,Mozzarella芝士,沙律菜,而酱汁就用左槛榄油加醋,材料新鲜,芒果仲好甜,配埋我至爱既Mozzarella芝士食,真系完美,沙律既清新口感仲可减少炸鸡既肥腻,唔错.
玫瑰芝士女神鸡($188) :见到每枱都有叫,我地当然要叫一份黎试下,一上枱店员就将芝士倒上炸鸡面,睇到都流晒口水,除左面头白色既芝士之外,炸鸡下面都铺满份量十足既碎芝士,见住佢慢慢溶化真系好吸引,炸鸡点上有拉丝效果既芝士,真系食到停唔到手,食到咁上下,店员会问加唔加饭,我地当然要啦,店员将白饭,配菜和剪细左既炸鸡拌匀,过程中已闻到香浓既芝士味,炒饭炒至微焦,令到口感更为丰富.
兹乐兹乐美极了($168):因为之前唔知玫瑰芝士女神鸡可以加饭,所以为免男性友人唔够食就叫左呢个有意粉既炸鸡,炸鸡份量同样好多,炸鸡味道比女神鸡既多份微辣,食落好惹味,肉质唔会太"鞋".白汁意粉煮到好软"淋"配上香浓芝士,对于我呢D钟意食芝士既人,真系好满足.
蒜香健康烤鸡($168) :朋友中有一位唔太喜欢炸鸡,所以特别叫左呢款无咁油腻既烤鸡俾佢,烤鸡一上枱就闻到浓浓蒜香味,而烤鸡烤到皮脆肉嫩,食落好多肉汁,配埋蕃茄沙沙酱一齐食,酸酸地,可以减少油腻感,不过因为太饱,最后要将鸡蛋同数件烤鸡打包拎走.
椰子牛奶鸡尾酒-NON ALCOHOL($78):原本想叫4杯饮品,好彩店员提点份量足够2人饮用,所以最后叫左2杯饮品,一黎到卖相好吸引,而且真系好大杯,价钱除开2人计算,好抵饮...饮落有阵阵既椰子香味,反而草莓味无咁突出,拌匀后可能加左牛奶既关系,所以口感好顺滑.
草莓沙冰($88):同样份量十足,面头有一大旧CREAM,还有彩色糖粒装饰,卖相好靓,沙冰分左2层,上屠系草莓味,下层系芒果味,一饮先有香甜既芒果味,之后慢慢先带出酸酸地既草莓味,感觉好特别.
张贴
