重慶劉一手火鍋店 (已結業)

早两日即兴想食麻辣火锅，所以特约朋友去食依间餐厅，之前都食过觉得好正又辣得过瘾，今次再黎辣一辣，但朋友唔太食得辣，最后叫左一边正宗重庆麻辣锅小辣同一边酸菜鱼锅，一送到黎不断传黎阵阵麻辣味，辣椒份量非常多，攻鼻到鼻痕痕，而酸菜鱼锅一样足料有大量酸菜同鱼片，汤头酸中带甜，饮个时慢慢有少许辣味涌出，唔错之后出左自助酱料区拎酱料，同拎左餐厅独有既招牌麻油同酱料拌匀咁点，麻油味极香浓，将系麻辣锅个边煮熟既食材再点黎食，的确有解辣功效叫左牛颈脊半份，即系手切牛肉，卖相不失霸气，灼一灼就食得，厚薄适中，雪花纹路好靓，牛肉味好浓郁，食得出好新鲜，啖啖肉超正之后就黎小食油炸鬼墨鱼滑，一份有八件，炸得香脆可口，我个人就比较喜欢放入麻辣锅灼一灼先食，带麻辣味食更加惹味十足手打牛肉滑丸叫左半份，非常弹牙，牛肉鲜甜味好突出估唔到龙趸份量都几多，滑中带韧口感，唔好灼太耐，否则会过份韧口，鱼肉鲜味强烈，每片都系厚切，的确性价比高最后点少得我至爱既淀粉质，平时都系成日叫乌冬，今次叫重庆小面，估唔到面条爽弹有质感，配麻辣食真系一流饮埋杯椰汁沙冰解下辣最好不过，椰子味好浓郁，又唔甜，好好饮