正宗山西刀削麵皇

营业中

休息中

今日去观塘特登去咗山西刀削面皇试刀削面，叫咗佢哋首创冷捞刀削面，我拣咗口水酱同埋鸭肾，个面捞埋啲青瓜丝，花生，真系好正，因为佢哋系即叫即削即整山西刀削面，所以刀削面烟韧度十足，同埋有弹牙感，另外叫咗麻辣牛肚，牛肚切到好幼细，点埋啲蒜头碎麻辣酱食口感一流，另外叫咗煎小笼包，一咬落去肉汁鲜甜，系必食之选，仲有叫咗东坡肉菜饭，啲菜饭一啲都唔油，因为其他上海店食到𠮶啲都有啲油捞埋，呢度就比较健康冇油，另外个东坡肉亦都好味，入口即溶化，如果钟意食刀削面又或者面类嘅朋友，可以嚟呢度试下佢哋𠮶个即叫即削刀削面，我谂香港唔系有太多地方可以食到。