立鮨 (安富大廈) (已結業)

立食系日本流行饮食文化，喺香港第一次企喺度食寿司🍣就应该系尖沙咀嘅 立鮨。放工经过荃湾路德围，竟然俾我见到有座位的 立鮨 ，唔使谂即刻排队等位 ，满足一下食寿司的欲望。店舖虽小，环境卫生，抗疫功夫做得足够，几位师傅团团转，好似去咗筑地食寿司咁嘅感觉。店长推介黑板上会写低店长每日嘅推介，不时不食，当然要试吓时令嘅海鲜寿司啦！赖尿虾配蟹膏樱花虾寿司 $25原只赖尿虾鲜甜美味、一点点的蟹膏已经可以提升鲜味不少了，加上松脆樱花虾的口感，味道层次够晒丰富。期间限定萤光鱿鱼军舰 $38萤光鱿鱼好爽口，份量多得惊人， 配搭的酱汁好 match , 鲜甜爽口又弹牙，佐酒一流！伊佐木寿司 $28伊佐木新鲜鱼刺身，肉质细致，鲜味十足，加上淡淡的海水味，果然系推介之一！火炙大吞拿鱼腩海苔寿司 $50大吞拿鱼腩入口即溶，火炙的油甘香气充斥着整个口腔，甘香可口，肥美的口感回味到不得了！手握寿司性价比高，我叫咗啲价钱 $12- $22 的手握寿司，即叫即制作，赤醋日本寿司饭，品质都好高。本鲔赤身寿司：我最爱的本鲔赤身，一口的鲜甜肥美感令人著迷。粒贝寿司：口感爽弹，好好食。北海道带子寿司：带子肥大肉厚，味道够鲜甜。