富記美食

营业中

休息中

👩🏻放工同屋企人食点心，拣咗油麻地一间小店。佢哋所有点心都系即叫即做，最近仲有即拉嘅肠粉😍。🥢咖喱鱿鱼 $28大大碟水鱿有五翼两须，份量颇多，爽口弹牙。咖喱酱既有蒜香亦有沙嗲甜味，辣味唔算重。🥢蟹籽烧卖 $28超夸张爆晒馅！爽口弹牙又鲜味。🥢虾饺皇 $28虾饺皮厚薄适中，虾肉馅好鲜甜。🥢糯米鸡 $28大大个糯米鸡劲多馅。猪肉碎充满蚝油汁嘅甜味，仲有鸡翼同唔少冬菇丝。🥢鸭脚扎 $28鸭脚煮得入味易咬，芋头口感粉腍。腐皮吸晒蚝油汁，又唔会太油腻。🥢杞子猪膶肠 $30肠粉滑溜够薄，猪膶粉腍鲜味。