傑克漢堡 (德輔道西)

营业中

休息中

初尝小店最近期间限定推出嘅法式鱼柳堡，套餐形式(连薯条同汽水) $43 + $19 炸鱼手指。本身因为店面无咩装潢，而且平民价跟M记差唔多，所以纯以支持小店心态试试，期望不大，点知： 第一印象食物到手时仲系热手，相信系即叫即整，所以等咗十零分钟就有得取餐非常快手～ 先讲卖相，我初头以为个汉堡包会跟M记一样图片跟实物不符⋯点知唔单只材料仲系热辣新鲜，而且非常足料，卖相跟佢fb page 张宣传图片一模一样！！ 打爆卡后终于开始食，包有包味，鱼有鱼味，生菜新鲜脆口，酱料爆汁超好味，薯条、炸鱼手指都粗身有咬口！换著有堂食、装修grand啲嘅餐厅呢个餐实收你超过一嚿水⋯ 所以会继续encore，其他再嚟开西环要再试齐小店所有真材实料、性价比极高嘅杰克汉堡 ～～ 注：希望店舖日后可以提供埋纸巾就perfect，因为自己系运动后外卖到海滨公园食，无两手准备⋯最后食到满口满手爆多酱汁酱料收场，好彩公园有洗手间。