袁記雲餃

营业中

休息中

对于唔钟意食饭嘅我嚟讲，饺子系一个饱得嚟又冇碳水嘅最佳选择。听讲呢间内地嘅饺子猛店嚟咗香港，主打即叫即包即煮，最得意嘅系你可以望住佢包，成个环境干净企，睇得开心食得放心。喺进入正题之前，我见到佢呢度都有我最钟意嘅鱼皮，佢呢个鱼皮系好正宗，超爽脆，再加埋个滕椒麻辣味，香多过辣，连平时食唔到辣嘅朋友都话好味。我见呢度嘅云吞同普通嘅云吞有啲唔同，因为佢加咗蟹籽，令到食落去更多爽脆嘅感觉。佢每一粒都系一啖嘅size，大细啱啱好。咬开仲有两粒虾㖭，真系超足料。另外我哋叫咗个招牌煎饺，佢都有20种咁多俾你拣，煎饺我哋就拣咗粟米味，见到佢都煎得金黄色之余都好干身。咬开仲有粒粒粟米，超鲜甜。除咗普通食到嘅汤饺同埋煎饺之外，佢哋呢度仲有一种叫做拌饺，连捞嘅味道除咗平时食到嘅红油抄手味之外仲有五六种俾你拣，但系因为朋友唔食辣，所以我哋拣咗个蒜香。呢一款系冬菇马蹄饺，全部都好足料够晒香甜。而除咗普通嘅豆浆之外，呢度仲有一款好特别嘅嘢，系鲜榨粟米汁，佢真系用新鲜嘅粟米去榨汁完全冇落堂，系饮到粟米嘅香味。