好運道拉麵小菜館

营业中

休息中

一直都好鍾情於食手工拉麵，難得見喺元朗開咗間中式拉麵店，當然要試試！呢度除咗拉麵，仲有好多小食同小菜～先試半隻湛江水蒸雞，都幾新鮮，肉質彈牙結實但又唔會好硬，有咬口，雞味都有，唔錯。羊肉串味道香濃，想食串燒都可以試試。藤椒魚皮，雖然係辣，但會心思思不斷食，口感爽脆，鍾意食就會明。生煎包，應該係招牌野，底好脆，多汁，合格。酸菜魚拉麵，個湯底會令人念念不忘，走辣一樣咁好味，拉麵係即場人手拉，食落真係唔同，麵條都好掛湯，正～紅燒牛腩拉麵，呢碗試咗龍鬚麵，再幼少少，湯底好香濃，牛魔王必試！