黃金小館

营业中

休息中

🔆招牌点心蒸饭炖汤专门店🔆黄金小馆深水埗北河街159号地下今日出嚟行街买护肤品，听讲黄金小馆好好食😋我咁钟意食点心嘅人一定要试吓啦，真系超多人帮衬，要排队先有得食，好嘢先会咁多人排。即叫即整即蒸好新鲜，就算叫外卖都要等7分钟，不停见到师父马不停蹄咁整紧点心🧆寿眉 $10去茶楼都会饮寿眉，因为平时就少饮到呢只茶香，食点心就一定靠杯茶要清肠胃。虾饺四粒$34皮薄馅靓，虾有鲜甜味道，太吸引啦👏🏻烧卖四粒$30好大粒，虾肉饱满，猪肉好入味😋小笼包$24皮薄多汁肉好味😋喼汁酸味刚刚好，食完之后唔会腻。春风得意肠$38真系菜如其名，有心思，炸两肠可以做到皮薄，中间薄脆，厨师好高技巧加新鲜即整先可以脆到咁，再加上虾蟹子粟米🌽口感清新。咸水角$22新鲜，真系即叫即整，食到系今日嘅味道因为冇雪味，馅好足，韮菜系鲜绿色㗎‼️外型极度可爱嘅鸡仔，创意度加分🥳酥脆虾多士$34芝麻够香，多士劲脆但绝不油腻！太强啦，每一块都铺满左新虾肉，口感好爽弹😄包边会食到索索声食完呢一餐就明白点解门庭若市，人流不断，真系要好好味先可以喺深水埗立足。