鉄人大盛 (已結業)

去尖沙咀度发现咗一间唔错嘅放题，佢除咗刺身嘅质素好之外 ，佢另外嘅熟食都有返咁上下质素，而且熟悉嘅物品多数会喺现场即叫即整，可以望住个师傅一路整一路食。而且佢嘅食物都系出面放题比较少见嘅 尤其是系呢一个中拖罗 ，出去食起码要三四十蚊1件，但系呢度系任食。另外就系鹅肝多士 ，通常呢一个食品会喺酒店嘅自助餐见得多。日本放题我都系第一次见到，佢嘅鹅肝质素都十分之唔错 ，最有惊喜嘅系佢𠮶块多士 ，唔会系硬绷绷仲系好香脆。呢一个泰式嘅鸡扒个味道我都好钟意，佢系泰式酸酸辣辣𠮶种味道，呢种汁捞埋系煎香嘅鸡扒上面食额外惹味。最后佢嘅甜品系哈根大师，仲有士多啤梨味，云呢拿味 ，朱古力味同埋香蕉味四种选择。