通達食店

营业中

休息中

记得一次无意之间试食过经过油麻地站A出口，当时整粢饭嘅位置仲喺门口出边，见到客人叫粢饭，店员就会有饭桶，用饭壳舀出热腾腾糯米饭，然后立即用布包住，压平，放上肉松榨菜同油炸鬼，大力卷实，再放入胶袋，新鲜热辣辣嘅粢饭就食得。自从见到佢系即场整，之后基本上每次经过油麻地，都会买佢哋嘅粢饭，尤其是冬天，不论堂食外卖。疫情期间好耐都冇嚟过油麻地，今次嚟到佢好似装修过，干净咗，以前喺出边做粢饭的位置改咗去入边整，但依然系新鲜嘅，即叫即整嘅传统。所以保持到油炸鬼嘅脆度，肉松又唔会过分湿润，正，毕竟能够做到即叫即整嘅小店已经冇乜几间。虽然佢出名其他肠粉烧卖鱼蛋等等嘅香港小食，但我仍然钟情粢饭。