彩興來來火鍋 (已結業)

将军澳近排开咗唔少食肆，行入一啲新开嘅商场，总会发现有唔少嘅新店， 今次行入帝景湾商场，试下呢间彩兴来来火锅，不过商场入口颇为偏僻，比较难揾。 星期六嘅晚上，一入去就有位坐， 唔使等位。 餐牌上有唔少嘅选择， 听老板娘讲 ，如果平日星期一至四嚟，仲可以用一蚊嘅优惠价， 试下佢哋嘅胡椒猪肚汤，养生汤底，同埋蕃茄浓汤呢三款锅底，可惜今日系星期六，未能享受优惠。先上嚟嘅有九宫格酱料，包括 ：辣酱 、麻油、 葱、炸蒜等等。我就叫咗呢个黄金鸡锅试下，有专人即叫即整，喺客人面前逐样将唔同嘅材料炒好，煮起个汤底。煮完真系金黄色， 睇落都几浓。汤入面包括虫草花、花胶、鲜鸡等等。 另外仲叫咗四宝丸，88蚊有四款嘅丸，例如牛肉丸、猪肉丸、墨鱼丸、虾丸。小食就叫咗牛油果芥末牛柳粒， 都几多牛油果，不过牛柳粒就比较碎，同埋比较多酱。 呢个就系牛舌，食落都几爽口。另外仲叫咗鸵鸟肉，肉质几淋。 而珊瑚蚌都几爽口，烚一阵就食得。至于广岛蚝都几多粒，不过就有少少腥，不过不失。