十一串

营业中

休息中

呢间串烧店：高质，性价比高，食材新鲜，所有串烧都系即叫即整，炸粉唔厚，调味适中，唔会话死用咸味去令件食物好似好惹味甘。 同样食物如果去尖沙咀或者中环食，一定会贵好多，所以我觉得绝对值得回头再食。二人行，叫左烧生蚝，盐烧鸡中翼，烟肉荔枝卷，腩肉露笋卷，椒盐墨鱼咀，木鱼汤赞岐乌冬，鸡皮虾，原条蒜蓉烧茄子，盐烧翠玉瓜串，食晒所有嘢都系320蚊！真系好抵！！原条蒜蓉烧茄子好大条，火喉掌握得几好，唔会烧到干晒，食落口creamy。我钟意食蒜蓉，所以好钟意呢个茄子。椒盐墨鱼咀炸得都好味，炸粉1啲都唔厚，少少咸咸地👍👍🤤🤤 味道火候都好！ 有好多粉，系椒盐尤鱼苏啲friend鸡皮虾系好多人都推介嘅一样食物，点可以唔试呢。 佢个配搭好创新。用烧到香脆嘅鸡皮包住只虾。食落又唔油嫁㖞，再加埋弹牙嘅虾肉，呢度菜令我好惊喜，冇令我失望。