鮨廷 (已結業)

今日预早book左呢间寿司小店，入面得十几个位，全部都可以望住啲师傅即刻手握寿司架。我哋坐低左有dinner menu或者散叫都可以。咁我哋想自由啲拣想食嘅野，就决定散叫。枱面上有两款茶包可以自由选择，啲餐具器皿都好靓，好match呢间小店。我哋分别叫左玉子寿司，北寄贝寿司，油甘鱼腩寿司，穴子寿司，鳗鱼寿司，赤贝寿司，炙帆立贝寿司，炙三色寿司盛合（三文鱼，大拖罗同右口鱼边），加洲卷，飞鱼籽寿司，芥辣八爪鱼寿司同明太子帆立贝手卷。寿司即刻手握嘅感觉好新鲜，同埋用嘅米都好有心，落晒豉油，个wasabi都好食，同出面嘅都好唔同。啲寿司都好好食，尤其系见到佢即整，食欲都唔同d。特别推荐手卷同帆立贝俾大家，手卷唔系平时系元x寿司果啲，紫菜都好脆，亦都好足料。而帆立贝就好大粒好新鲜。埋单一个人都系二百几蚊，已经好饱。有机会可以嚟试下！