春城銅鍋米線

营业中

休息中

今日出开嚟睇戏，喺附近见到一间食米线嘅用具几特别，所以过嚟试吓。我叫咗个自选铜锅米线，我拣咗佢哋招牌嘅螺旋藻腩肉另外再加新鲜蚝仔。佢呢个蚝仔真系落足本，叫咗酸辣汤小辣，但系成个汤都好有蚝仔嘅鲜甜味，因为呢度真系煮米线俾你食，所以个汤真系不得。另外佢啲米线都啱啱好，唔会太硬都唔会太腍，好爽口。呢间米线真系绝对超值得encore。不过就略嫌佢啲腩肉唔够腍，如果可以再淋啲再入味啲，咁就完美啦。因为我同朋友都唔系好食碳水，所以我哋选择咗嗌一个米线两份分，然后再嗌其他小食。我哋试咗佢个香煎墨鱼饼。呢个墨鱼饼应该系自家制因为同出边食到嘅味道唔同，弹牙得来唔会太过死实，系有清甜嘅墨鱼味，又系好出色。然后豆卜酿虾胶，佢个豆卜真系炸到超级松脆。之后你会见到满满嘅虾饺，真系料到童叟无欺，朋友话好好食，佢形容为好似臭豆腐出边𠮶层皮，但系再松脆啲。然之后叫咗个秘汁鸡翼，我以为佢系普通嘅卤水鸡翼，但系食落甜甜地应该系加咗可乐去煮，所以个味道都几特别，系妈妈嘅味道。最重要嘅系佢啲鸡肉仲系好嫩得来实净唔会好似煲汤鸡咁散晒。然之后仲叫咗个口水鸡，佢个口水鸡个汁应该系自己调教，香香辣辣好开胃，啲鸡都煮到啱啱好，够晒滑。