Martabak Pecenongan 78

营业中

休息中

旺角中心简直系扫街嘅胜地，里面除咗一啲香港嘅地道小食鸡蛋仔，章鱼烧，茶饮店之外。今次行过见到有一间主打卖印尼月亮饼嘅小店新开，见到咁特色而且好多人排队，就初尝一下呢款咁地道嘅小食。店舖有两位印尼人主打烹调，即叫即制，餐牌上中英对照，图文并茂，方便order。月亮饼款式分咸，甜两种风味，口感就分厚底同薄底，各有特色。甜味版本初尝仲可以拣迷你版，咁试多几款口味都得啦😍厚底嘅就好似食紧格仔饼嘅口感，外脆内软，烟烟韧韧，内层有蛋香味道，馅料亦都好多好丰富。薄脆款似薯片或咖喱角嘅口感。炸得非常香脆。最喜欢佢嘅鸡肉月亮饼，里面包满鸡肉，葱香蛋香🥚，外层煎至金黄，配上附送的一包酸甜汁更加惹味。 ｛