Burgerman (埃華街) (已結業)

汉堡包店嘅型格红砖墙相当吸睛，所有汉堡包即叫即制，如果唔系禁咗晚市堂食，可以坐低食都几好😆外卖盒入面嘅汉堡用竹签固定好，就算拎到番屋企都冇变形，仲系新鲜整好𠮶时嘅靓样🍔🍔和牛汉堡 配 有皮薯条🍟半溶嘅provolone cheese包裹住和牛汉堡扒，望见都流晒口水🤤和牛汉堡扒肉嫩多汁，一咬肉汁就流出嚟😋配料有炸洋葱丝同豆苗，酱汁系日式芝麻酱，整体感觉都有啲日式style～始终系外卖拎番屋企食，薯条自然唔及即炸即场食咁脆口，但因为系粗身嘅有皮薯条，所以入面维持到薯仔实在嘅口感，而且薯条嘅份量都几多，配套餐只系加$20，CP值高👍👍