岸久巿場 (已結業)

返工咁攰，放工当然要松一松，朋友就提议试下间又有新鲜海鲜又可以饮下酒嘅地方，仲要系尖沙咀咁就脚，当然好啦。本身我麻麻地食椰菜，但呢个前菜-芝麻盐酱椰菜癫覆左我对椰菜嘅印象，又爽又甜，配埋咸咸酸酸嘅芝麻酱，好开胃。原板韩国海胆都算新鲜，啱我呢啲唔好太creamy嘅人。清酒昆布煮花螺同埋二人浜烧盛合，望落都好丰富。职员会系我地面前煮螺同烧海鲜，睇住煮果下已经流哂口水。全部贝类都非常新鲜，仲识郁嘅，入口系清甜海水味。点少得金目鲷刺身，肉质结实又有少少油脂香。食完仲可以拎啲骨去炸变成天妇罗，脆到连骨都可以食埋架。烧鱿鱼非常弹牙，送酒一流。乳酸味汽酒清新解腻。蕃薯雪葩完美作结。