牛陣 (iSQUARE國際廣場)

营业中

休息中

放工好肚饿，见isquare间牛阵呢个钟数又唔算多人排队，就直接同朋友入去。餐厅好多位都好仔细因为员工嘅服务都好好一手一脚帮我地整。坐底叫左距个泰国冬阴功汤底，店员会先落油将d香料啊海鲜等等炒香，然后再倒汤，即刻冬阴功味好香。然后我地就拣左澳洲牛套餐。牛ge肉味好浓郁，而且唔会好un，反而好嫩滑，唔点酱料食都ok。之后仲有牛舌，海鲜等，都系可以追加ge。除了你叫果个套餐果d食物之外，仲有餐厅出面ge自助吧，有各款蔬菜，丸类，饮品，雪糕等。另外一样我觉得餐厅几有心嘅就系佢哋有得自己自制青木瓜沙律，平时去泰国餐厅我已经一定会叫，呢度仲有得俾我哋自制落唔同嘅份量配料同埋辣度。最后餐厅仲会送iseeisee ge芒果糯米饭 口味ge雪条，呢个雪条真系有糯米系入面，几特别。唔错，价钱唔贵，都几好食。下次会再来。