巴打火鍋館 (裝修中)

我今日食咗呢间餐厅嘅招牌锅，锅底真系超级丰富，里面有好多材料，包括猪骨、猪手、猪肠、猪肚、虾干、萝卜、蕃茄、粟米同埋扇贝等等。汤底好香浓，非常甜美，我前前后后饮咗四碗汤，唔够仲可以加汤，实在太过瘾！除咗火锅之外，我仲试咗餐厅嘅其他小吃。鬼马炸油条真系一绝，佢地即叫即炸，保持咗油条嘅酥脆口感。同埋佢地嘅紫菜响铃都好特别，紫菜香脆，加埋响铃嘅鲜味，好好味，好过瘾。另外，我亦试咗竹笙酿虾滑同自制芫茜饺，竹笙酿虾滑质感鲜嫩，鲜味十足。芫茜饺则系餐厅自家制作嘅，皮薄馅多，芫茜味道浓郁，非常好味。仲有餐厅嘅花雕鲜鸡件同沙白蚬，鸡件鲜嫩，沙白肉厚多汁，真系令人回味无穷。最后加埋冻嘅可口可乐，爽！非常推荐大家黎试一试！