牛極 (庇利金街) (已結業)

讲到食牛扒，佐敦嘅牛极简直冇得输。呢间舖头开张到而家，我大大话话都食过好多次，每次食完都好回味。但最近因为疫情关系，小左系舖头堂食，转战外卖翻公司到食，食物质素都系同堂食一样，保持到水准，除左唔洗自己烧之余，仲有唔会吸收到烧肉嘅味道。今日中午又决定左食牛极，系openrice到order左一份180g嘅九成熟牛肩扒，配有白饭，蕃茄汤同埋日式沙律。大约等左20分钟就有得拎，拎到翻公司，全部食物都系热辣辣，仲会出烟。今次冇order到多饭，但份量都够食。180g嘅牛肩扒一其有四块，全部都系厚切，食得出系九成熟，唔会太老同太硬。蕃茄汤同日式沙律如果系堂食，可以无限添食，但外卖就会得一盒，不过一个人食，份量都足够。此外，仲要赞一赞，牛极除左牛扒好食之外，店员服务态度仲好好，亲切有礼，值得赞赏。