影片
更多
2015-03-08
5008 浏览
曾经同班「死佬」朋友搞过两年蛇宴饭局，由于依家比较少酒楼会晌秋冬推出蛇宴，所以，近两年都无搞咯。继三圣海鲜夜同大埔私房菜，一班老细一时兴起又话想揾番次蛇宴，先后问过深水埗嘅蛇王协同蛇王业，大家觉得有点贵之余，主因喺菜式太「蛇」，10道菜有8道都喺蛇菜，觉得「负担」太大。后尾揾到富临都有做蛇宴，但未计茶芥加一，亦唔包酒水，都已经$3,480，即喺埋单四千起计 。最后，有提议「星厨管理学校」嘅蛇宴。听个名就知喺间烹饪学校，来头喺点，小弟就唔多讲，反正人家有官网（www.starchef.edu.hk），网页有齐学校历史、创办宗旨、传媒报导……等等。总之，教学之余，秋冬会办吓蛇宴，过年会办吓团年、春茗。饮食，好多时会讲到「不时不食」，即喺食材要够时令，今晚嘅蛇宴更喺近乎「煮完即食」，够晒新鲜热辣，点解？一睇现场环境你就即刻明晒，几步之隔就喺灶头，「开放式」厨房就在眼前，我哋就喺对住个「厨房」开餐，仲要被安排坐到正对住𠮶张枱，故此，一边食，一边睇大厨做菜，双料娱乐。再讲多少少现场环境，将平日上烹饪班做菜实习用嘅大钢枱拍为长形，铺上胶枱布，就成为我哋用餐饭枱。因为地方所限，拍好6张「饭枱」，留番
听个名就知喺间烹饪学校，来头喺点，小弟就唔多讲，反正人家有官网（www.starchef.edu.hk），网页有齐学校历史、创办宗旨、传媒报导……等等。总之，教学之余，秋冬会办吓蛇宴，过年会办吓团年、春茗。
饮食，好多时会讲到「不时不食」，即喺食材要够时令，今晚嘅蛇宴更喺近乎「煮完即食」，够晒新鲜热辣，点解？一睇现场环境你就即刻明晒，几步之隔就喺灶头，「开放式」厨房就在眼前，我哋就喺对住个「厨房」开餐，仲要被安排坐到正对住𠮶张枱，故此，一边食，一边睇大厨做菜，双料娱乐。
再讲多少少现场环境，将平日上烹饪班做菜实习用嘅大钢枱拍为长形，铺上胶枱布，就成为我哋用餐饭枱。因为地方所限，拍好6张「饭枱」，留番少少通道，再多点地方都无，但逼得嚟好有气氛，又有啲地踎感。原来「星厨」嘅蛇宴颇有人气，所以，是晚爆满收场！
蛇宴共有10道菜（$2,380），当中只有4道菜包含蛇嘅成份，送汽水、啤酒共12罐，无任何杂费，围起每人都唔便嚿水，非常之抵食。每年10月搞到翌年2月，逢星期日晚供应，分两轮，6:00-8:00pm及8:30-10:30pm。由于专注只做全场6枱客嘅生意，煮完即食，一道菜接一道菜接，节奏明快，食完所有嘢都只不过喺10:00pm左右。
虽然蛇宴包咗12罐汽水、啤酒，唔够饮可即场买，每罐$6，不过，订枱时讲明只有可口可乐及狮威，所以，欢迎自携饮品。我哋一班死佬就最心多，揾几个人买嚟两打汽水，样样有啲，实行人哋「队」酒，我哋就「队」汽水，一于尽兴而归，高高兴兴除旧岁！
校方再三叮嘱，记得准时出席，绝对唔等人就开餐，果然，一到8:30pm就大厨出马，开炉起镬。除咗晌街边大牌档之外，相信都无乜几何可以睇到厨房做菜嘅场景，仲要一次过煮6围枱份量，真喺唔嘢少。佢哋又唔介意你哋影相，睇住煮菜全程，个大厨好似玩魔术咁，兜吓炒吓，第一道菜咁就可以出场。
第一道菜上枱都会比较气氛热烈，好似去咗饮咁，全场爆满，「饮杯」声此起彼落，好不热闹！最难得喺搞咗咁多次死佬饭局，依次「夫添」最齐人，所以，就更加热闹。
瑶柱扒西兰花整晚菜式都跟番菜单一道道菜上枱，先嚟嘅瑶柱扒西兰花，西兰花仍有少少爽月脆，茨汁无过浆，内里有唔少瑶柱碎、瑶柱丝，味道刚好。
瑶柱扒西兰花
271 浏览
1 赞好
0 留言
是晚第一道「蛇」菜，以一围12人计，人人两粒。外层沾上面包粒，卖相犹如石榴。蛇丸炸得好香脆，新鲜热辣放入口，一咬弹牙又爽口，正呀！
石榴炸蛇丸
198 浏览
2 赞好
0 留言
菊花五蛇羹（3窝）蛇丸上枱无耐，随即就捧嚟3大窝蛇羹，份量绝无欺场，人人两碗已经走唔甩，晌蛇铺食一碗都几十蚊啦，依家小弟就前后食咗3碗，真喺翻本呀。兜一兜蛇羹可见真材实料，加啲薄脆、菊花瓣同食，啖啖蛇肉、木耳丝，口感柔滑，果然行气活血，食罢成身暖晒，个个死佬除净件 Ｔ恤！（注：如想再添薄脆，需另付$10碟，而且数量有限）
菊花五蛇羹
204 浏览
3 赞好
0 留言
唔知点解叫「密实」，总之喺只好食嘅豉油鸡，咸甜细致，皮下脂肪又少，鸡肉好嫩滑，师傅手势真有一手。
密实贵妃鸡
134 浏览
1 赞好
0 留言
一大煲羊腩煲，同样份量十足，便携式气体炉滚住食，食得我哋更加热血。双冬指冬菇同冬笋，加埋一大碟生菜，啲羊腩炆得好食到不得了，软腍微膻，酱香滋味。就连啲生菜，沾满酱汁后都宁舍好味，只喺奈何无白饭供应，而生菜想俾钱食多碟都唔得，因为被之前第一轮食客抢购一空。
双冬生碧羊腩煲
127 浏览
2 赞好
0 留言
响螺、淮山、杞子、乌鸡炖三蛇大家食得兴起之时，已送上一大盅炖汤，捞一捞验明正身，原只乌鸡，仲有响螺、蛇肉，又喺童叟无欺之作，好嘢自然无得呃。乌黑嘅炖三蛇汤，温醇清香够火喉，啖啖精华入口。
响螺、淮山、杞子、乌鸡炖三蛇
135 浏览
1 赞好
0 留言
蛇汤浸娃娃菜几味香浓嘅菜式，喺时候以一道较清淡嘅菜式作间场。平时超市几蚊一包嘅娃娃菜，经蛇汤浸一浸，再淋上玻璃茨，有种升价十倍嘅效果。娃娃菜食落很清甜，带点点咸香味。
蛇汤浸娃娃菜
155 浏览
3 赞好
0 留言
蒸鳝恰到好处，肉质爽脆而油润，又充满幽幽陈皮果香，兼且惹味非常，食得大家都赞。碟底嘅陈皮豉汁，相信如有白饭供应，我哋实可以帮手食到清澈见底。
陈皮蒸蟠龙鳝
143 浏览
3 赞好
0 留言
腊味炒糯米饭平时去饮或食一啲酒席，去到尾声嘅粉面饭，大抵都喺作为垫肚之用，不过，晌度却喺一场表演。虽然糯米饭唔喺生炒而成，但煮好嘅糯米饭，由下镬炒，加酱油，加腊味，以至调味，如要炒得够「匀巡」，睇落认真唔喺一件易事。晌依个环节，都有好多趣事发生，以上所有菜式都有大厨负责，而糯米饭先由帮工阿叔露两手，一次过炒一大镬糯米饭真喺不易为，见佢炒得几辛苦，有少少力有不逮，再由大厨示范一吓真功夫，之后连在场「监工」嘅校长罗有昌师傅都忍唔住表演吓，果然功架不凡，睇得大家好开心。
好睇还好睇，但好唔好食先？糯米饭炒得分明，上色均匀，饭粒烟糯入味，可谓平凡中见真章。
腊味炒糯米饭
195 浏览
3 赞好
0 留言
酒席敬送嘅糖水，通常都喺预到啱啱好一人一碗，不过，「星厨」真喺唔志在揾钱咁，样样都大大份，就连最后嘅香芋西米露，都整一大大大窝你叹，有几大窝？有相为证，滔完一转，都仲可以人人再添。质素虽无惊喜，但绝对唔差，西米无话黐埋一嚿嚿，芋头够粉香，又够椰汁味。
香芋西米露
125 浏览
2 赞好
0 留言
美心寿比南山蛋糕班大佬话好耐无搞过食寿包或生日蛋糕，所以，订咗个美心「寿比南山」蛋糕嚟贺一贺依几个月生日嘅老死，蛋糕嘅食评，另文再写，但想藉个蛋糕讲吓依度嘅5星服务。你见之前啲相，就知枱面好街坊，铺张白色胶枱布就开餐，食到尾自不然污污糟糟，满枱唔喺酱汁，就喺鸡骨鱼骨，但啲阿姐唔单止帮我哋清理好晒个枱面，仲拎咗啲碟同叉，以为两把饼刀俾我哋用，实在喜出望外咁好招呼，而且，喺分文不收，绝无切饼费，所以，点可以唔讲几句赞一赞佢哋吖。
虽然地方浅窄，但胜在够气氛，而且，啲阿姐、阿哥招呼非常好，有求必应，快手快脚样样自动波，值得一赞再赞。我哋13件死佬，加埋自携汽水，每人唔使两嚿水，食到捧肚走，仲要好好食咁先真喺叫抵嘛！要食又要等年尾，绝对值得下年再嚟过，真喺想搞番次死佬、死婆庆团年呀！
张贴
