金山海鮮酒家

营业中

休息中

附近做完野，朋友即兴话食晚餐，就揾左一间老店食中菜，餐厅系地铁站附近都几易揾。但由于即兴关系，要等一阵位先可以入座。鸡蛋焗鱼肠好耐冇食呢啲旧式菜，几好食。有大量芫茜同葱，唔会食到鱼肠嘅鱼腥味。鸡蛋却蒸得啲老。窝贴小棠菜好特别嘅菜式。内里系墨鱼胶同小棠菜碎，口感弹牙，小棠菜份量唔多。外皮煎得香脆，但偏油。牛油白饭鱼好香牛油味，炸粉唔特别厚，香口野好啱饮啤酒。京都骨拼大肠大肠比较肥美，唔错。京都骨几好肉，酱汁唔错。沙拉骨呢个系一个小误会。待应推介呢个，我地谂住系出名小菜就话好啦，点知原来同京都骨拼大肠系一样嘅，有啲失望2道菜一样，如果侍应能够提点一下就更好了。豉椒炒蛏子蛏子好大只，够爽口，眨眼就清左碟了。价钱偏贵，份量较细碟，性价比属一般。