Amitie Kitchen (已搬遷) 新店位置

同事牛一，收得早就即兴去附近食个西餐同佢庆祝吓。应该因为系平日同时间尚早嘅关系，等一阵就有位。寿星仔拣咗食BBQ猪仔骨同西式云呑落完单，侍应即刻送上三款暖暖哋嘅面包，自己觉得最好食系牛角包，唔会好油腻。BBQ猪仔骨一大份成份上，要自己分，一人有三条骨。平时啲猪仔骨会烧到好干，靠面𠮶汁等你平衡返，易啲入口。但今次嘅猪仔骨，切开系有肉汁嘅。再加埋肉面𠮶汁，酸酸辣辣，非常惹味。跟猪仔骨嘅唔系普通嘅薯条，系炸蕃薯条，甜甜哋，比起薯条冇咁易饱，同个猪仔骨都几夹。云呑啲皮唔会太厚，𠮶忌廉汁味道啱啱好，唔会好浓好咸，所以会食到云呑入面啲苋菜馅嘅味道。食物份量都多，所以两个人食啱啱好。环境都几舒服，同寿星仔食完仲可以倾吓计。下次一大班人嚟，可以试多几款嘢食！