漢拏山烤肉 (已結業)

今日又即兴走嚟铜锣湾食韩定食啦！唔驶等位真的好！！时间关系，所以唔可能拣烧烤餐，令有选择困难症嘅我能够快D决定食咩！8选1决定要4号仔"大酱汤"。lunch set 包括有3前菜，1沙律，1蒸蛋，1饭，1主菜，如果主菜唔系汤类，仲会好贴心咁配番个清汤比你。眼见同事嘅7号同8号都出晒场，但我个4号迟迟未出现，D口水真系流出嚟咁滞呀！所以偷食同事一件白切肉，猪腩肉煮熟后再煎香表面，肥瘦均混，香口美味。等咗大约15分钟，我嘅热辣辣大酱终于出现啦！前菜－茄子清甜软腍，芽菜爽口，泡菜爽胞唔太辣。蒸蛋虽然唔系好滑，但味道不错。大酱汤嘅鸡蛋系比你自己打落去嘅，想打散还是原只半熟蛋就悉随尊便啦！大酱汤咸淡适中，带有少少辣味。汤料有硬豆腐，翠肉瓜，洋葱，萝白，牛肋肉碎，味道清甜香口。白饭面洒有点点紫菜同芝麻，配埋大酱汤食更加惹味。